​O MEA E 15 E FAATATAU I SAUAGA FAAFEUSUAIGA E TATAU ONA SILAFIA E ALII.

(Tusia:  Judy Mata’utia)
E ui ina mafai ona a’afia uma faatasi alii ma tamaitai I sauaga faafeusuaiga, e tele lava ina faataunuuina nei sauaga e le itupa o alii.  Ae o le tele o alii e alolofa I tagata o lo’o latou mafuta ma latou te le sauaina.  O le tele foi o alii latou te fia fesoasoani I le taumafaiga e faaumatia nei ituaiga sauaga.  O mea nei e 15 e ao I alii uma ona latou silafia e faatatau I sauaga faafeusuaiga ma tulaga e mafai ona faia e taofia ai.

1. O le faiga faamalosi o se ituaiga o sauaga faafeusuaiga.  So’o se ituaiga feso’otaiga tau feusuaiga e le’i manaomia  - mai le feasogi e o’o atu i le pa’I atu I le tino e faasolo atu ai lava ina feusuai – ma se tasi e lei aumaia ai se faatagana, o sauaga faafeusuai ia faiga.
2. O le tele o faiga faamalosi e faia e tagata e silafia e le ua sauaina.  A le’o se tagata sa la nonofo pe mafuta I se taimi ua te’a, o se tagata atonu e faaaiga I ai, po’o se tagata e iloa e le ua a’afia I sauaga mai se mea.
3. O lo’o sauaina foi alii I sauaga faafeusuaiga.  E ui ina toatele oi latou ua a’afia I sauaga faafeusuaiga o tamaitai, ae o lo’o faaalia mai I suesuega o lo’o tele foi I latou ua sauaina o alii matutua faapena foi ma tamaiti laity.
4. O le faamalosia I faiga faamalosi e mafai ona faatinoina I ni vaega se tele e pei o le:

• Faaaogaina le malosi faaletino po’o se aupega
• Faaona le tagata ina ia faia ai faiga faamalosi
• Le usitaia pe faalogo foi pe a fai atu ‘leai’
• Tau faamata’u le tagata, o isi, po’o ia lava

1. E iai le aia tatau a le tagata e faapea atu ai ‘leai’ I faiga faafeusuai.  E leai se mea faapea o le ‘mauaina o le aia tatau’ e faia ai ni faiga faafeusuai.  E iai le aia tatau a le tagata e faapea atu ai ‘leai’ pe a;

• Fai sa inu, pe ua faasuaava
• Faia ni lavalava e iloa atu ai ni tele o vaega o le tino
• Ua tele ni tupe ua faaalu e le tagata lea te lua tafafao
• Fai na fai atu muamua ‘ioe’
• Fai o lo’o lua feasogi
• Fai ua feoai mo se taimi umi lava

1. O le leai o se upu e lagona po’o le sao foi, e le’o se faatagana.  Aua nei iai se manatu faapea afai ua iai ni ota faalogona ua fia faia faiga faafeusuai, o lo’o faapena foi lagona o le isi tagata.  Ia puipui e le tagata ia I lona faailoa manino atu I le isi tagata ona faalogona o lo o iai, ma fesili po’o faapena foi le isi tagata, ona faalogo lelei lea I le tali e aumai.
2. Aua le faamalosia le isi tagata ina ia faia faiga faafeusuai.  E mafai ona avea ma ni faiga faatogafiti pe afai e faatauanau se isi ina ia faia nei faiga. 
3. O le ava e tele ona avea ma mafuaaga ua fai mai nisi e mafua ai ona faia nei sauaga.  Afai e ona se isi, e le o se alaga tatau lea e faia ai nei faiga faafeusuai.  Afai ua e filifili e te tagofia le ava malosi, ia faia ma le faautauta.
4. O lou taumafai ina ia faaona se isi tagata ina ia faia ai faiga faamalosi po’o faiga faafeusuai o le faia lava lea o sauaga faafeusuai.  Afai e te lua feusuai ma se tasi e matua leiloa lava se mea ma ua oo I se tulaga ua le mafai e ia ona aumai se faatagana ia te oe, I le vaaiga faaletulafono, o lo’o e solia le tulafono ma e faia faiga faafeusuai, tusa foi pe le’I faapea mai ‘leai’.
5. E te soli tulafono pea e faia faiga faafeusuai.  So’o se isi na te faia faiga faafeusuai e aunoa ma se faatagana, ua ia solia le tulafono, ma e ono faalepuipui ai pea faamasinoina.  Tusa lava pe na te iloa le tagata pe leai, e tutusa lava faiga o le tulafono e puipuia uma ai tagata e aafia I sauaga nei.
6. O le uiga o le ‘leai’o le ‘leai’.  Afai e fai mai se isi e leai, ae le faalogo ma usitaia e le isi tagata le mea o lo’o manao i ai le isi, o lona uiga ua aafia I sauaga faafeusuai. 
7. E aafia loa se isi I faiga faamalosi, ua matua suia atoa le olaga o lena tagata.  E ogaoga ma matuia nei mea o sauaga faafeusuaiga.  O se tagata ua faia iai faiga faamalosi atonu o lea maua i faafitauli faalelagona ma le faaletino.  O lea faigata foi ona toe talitonuina nisi o tagata.
8. O sauaga faafeusuaiga e le faapogai pe mafua mai ona o le tagata ua aafia I sauga nei.  O nisi oi latou ua aafia I sauaga faafeusuaiga e faigata ona saili ma aapa atu mo se fesoasoani ona o nisi o taimi latou te toe tuuaina lava I latou I le mea ua tupu ia latou.  Afai e te silafia se isi ua tupu ai nei sauaga ia talitonuina I latou pe a fai ua faasoa mai I le mea ua tupu.
9. E mafai ona avea I tatou ma suiga tele.  Ia avea I tatou ma tagata e puipuia o tatou aiga ma uo, ia saogalemu mai nei ituaiga sauaga.  Fesoasoani atu I se isi e foliga mai o lo’o tulai mai ai ni mea faapea.
10. Tautala mai.  Afai e te faalogo I tala tausua e faatatau I faafeusuaiga, ia tautala atu e taofia nei amioga.  E leai ma se tulaga malie e ono talie ai e faatatau I sauaga faafeusuaiga.

O le faaumatia o nei faiga faalelelei e amata I suiga o tatou amioga – e amata ia te oe ma au!