​FESOASOANI I LE TAOFIINA O SAUAGA FAALOTOIFALE

(o mea e 7 e mafai e so’o se alii po’o se tane ona faia)
Tusia: Judy Mata’utia
 
O le tele o alii latou te le faatiga, tau faamata’u pe sauaina o latou paaga.  Peita’i e iai foi alii latou te faia mea nei.  Ae e mafai e so’o se alii ona faia se mea e fesoasoani I le taofia o sauaga faalotoifale.  O mea nei e fitu e mafai ona e faia e maua ai ni suiga ma faaitiitia ai le tulaga o sauaga;

1.  Aoaoina ma ia tatou malamalama i tulaga tau i sauaga faalotoifale.

• O sauaga faalotoifale o le faaaogaina po’o le faia lea e se tasi o sauaga faaletino, faalelagona po’o sauaga faafeusuaiga e maua ai le malosi ma le pule na te pulea ai lana paaga vavalalata.
• O sauaga faalotoifale e mafai ona tupu i so’o se tasi, so’o se tausaga, itupa, tagata nuu ma so’o se isi lava.
• E mafai ona tupu i le va o tagata ua faaipoipo, o lo’o nonofo faatasi po’o latou foi o lo’o fefaauoa’i.
• O le tele o taimi ae le o taimi uma, o le alii e tele ona saua I lana paaga.
• O tamaiti o lo’o I totonu o aiga e iai sauaga faalotoifale, e ono faateleina le lamatia ma le aafia I sauaga o latou mafutaga I le lumanai. 

1. Talanoa ma au uo ma aiga.
   • Ae faalogo i tala e faatatau I sauaga faalotoifale I tala vaifanua, talafou, tala eseese, po o luga foi o le upega tafailagi, aua nei le amanaiaina.  Avea ma avanoa e aumai ai luga le mataupu e faatalanoaina ma isi tagata.
   • O se fefaasoaai e maua uma ai e tagata le avanoa e aoaoina ma malamalama ai I nisi tulaga ma iloa ai pe faapefea ona fesoasoani I le faaitiitia o sauaga faalotoifale.
2. Ia iloa o sauaga faalotoifale o se faafitauli a tagata uma.
   • E masani ona faapea tagata o sauaga faalotoifale o se mataupu e faalilolilo.
   • O I latou o lo’o aafia I sauaga faalotoifale e mafai ona lagonaina le fefe ma le maasiasi.  O nei faalogona e mafai ona taofia ai latou mai le aapa atu mo se fesoasoani o lo’o latou manaomia.
   • Afai e te le amanaiaina sauaga ma e faapea o le faafitauli a isi tagata, o lea avea ma tulaga e ono faaauauina ai pea sauaga.
3. Avea ma se faataitaiga lelei mo nisi o alii.
   • Ia faaali I taimi uma lou faaaloalo i au mafutaga ma isi ma faamalosia isi ina ia faia foi lea tulaga.
   • Faasoa atu I isi alii.  Fesoasoani ina ia latou malamalama, o sauaga o se filifiliga lea a le tagata pe na te faia pe leai.  E tele auala e mafai ai e le tagata ona gafa taulimaina lona ita, toatamai, ma nisi o tatou faalogona e aunoa ma le faatinoina o sauaga.
4. Ia silafia faailoga vaaia.
   • O se tagata o lo o sauaina atonu –
     1.  e popole pea talanoa mai i lana paaga
     2. e leiloa le mafuaaga o manuaga o le tino
     3. e alofia mai i tagata
     4. na te fai alofaga mo amioga a lana paaga
     5. e vaaia e faanoanoa pe fefe

• O se tagata e saua atonu –
  1. e faamaasiasiina pe faitioina lana paaga
  2. e faatonuina le paaga I le mea e fai pe mafaufau I ai
  3. tuuaia se paaga mo faafitauli
  4. vave ona ita
  5. faaalia le fua po’o le le talitonuina
  6. faamanuaina faaletino se paaga
  7. le faatagaina ona vaaia e lana paaga ana uo po o aiga

1. Afai e te vaaia ni sauaga, ia fai atu iai se tala.
   • Atonu e faigata ona talanoa atu I se isi alii e uiga I ana amioga saua, peitai o le talanoa ma faailoa o se laasaga muamua lea agai atu i ni suiga.
   • Vaai se taimi paganoa e mafai ona talanoa ai
   • E mafai ona faapea atu ‘ou te popole I mea o lo o ou vaaia. O lea le mea o lo o tupu?’
   • Faailoa atu I le tagata saua, o lo o mafai ona maua le fesoasoani na te taofia ai lona saua.  E mafai ona faapea atu ‘ua e faataitai ona e talanoa I se faufautua? E mafai ona fesoasoani.’ Pe faapea atu foi ‘afai e te lagona ua le mafai lava ona e pulea oe, valaau mai ia te au.’
2. Avea oe ma se alii e aapa atu.
   • Afai e te masalomia se isi o sauaina, aapa atu I ai.  Faailoa atu I ai e leo tuulafoaiina ia.
   • Fesiligia po o lea se mea e mafai ona e faia e fesoasoani atu ai.
   • Afai o lamatia se soifua o se tagata, valaau I le 911.

 
Mo nisi faamatalaga atili e faatatau I auala e fesoasoani atu ai I le faaitiitia aemaise o le taofia o sauaga faalotoifale, faafesootai mai LE MAU A AMERIKA SAMOA E TETEE ATU I SAUAGA FAALOTOIFALE MA SAUAGA